港隊將會出發去到以色列參與2018世界棍網球錦標賽，我地好榮幸邀請到以色列大使館總領事Mrs. Ahuva Spieler出席男子代表隊出發前聚餐！好多謝佢同我地分享咗好多關於以色列嘅知識，同埋為港隊成員打氣祝福，希望大家會享受喺以色列嘅旅程！





今次嘅聚餐其中一個目的就係希望答謝咁多位港隊成員，職員以及佢地嘅親友。佢地當中有部分會隨隊飛到去以色列觀看賽事，為港隊成員打氣！


港隊成員亦都係今次聚餐上收到香港代表隊嘅新球衣，佢地將會身穿呢件球衣代表香港征戰2018世界棍網球錦標賽，祝佢地一路順風！